پیغامیم آپار باد صبا،یاره اوزاقدان وار چوخلو سلامیم او دل آزاره اوزاقدان
عرض ائیله یه سن محنتیمی،دردیمی بلکه ائتسین اورگیم دردلرینه چاره اوزافدان
گول صورتین گورمه میشم چوخلو زاماندی حسرتدی گوزوم گولشن و گولزاره اوزاقدان
غملر اریدیب جسمیمی،یوخ دلده توانیم درمان آراییر ایندی بو بیچاره اوزاقدان
هم دین آپاریب نرگس مستانه سی،هم دل توش ائیله بیر جانیمی مین خاره اوزاقدان
گل ایندی وئریم بو یورولان جانی آپارسن قیمت وئره بو عشقه،بو ایثاره اوزاقدان
صاحیب نظیرین عشقینه برهانی عملدی جان هدیسی یوللور او وفاداره اوزاقدان